Törkiyä belän Rusiyä arasında Qarabax söyläşüläre
Törkiyä Ärmänstan idaräsen ayıq aqıl belän söyläüşülär östäle artına utırırğa künderü kiräklegenä basım yasıy
Törkiyä ilbaşı Räcäp Tayyip Ärdoğan Rusiyä däwlät başlığı Vladimir Putin belän telefon aşa söyläşte.
Räsmi çığanaqlardan alınğan mäğ’lümatlarğa qarağanda, anda Törkiyä belän Rusiya arasındağı mönäsäbätlär, Tawlı Qarabax häm başqa regional’ mäs’älälär qaraldı.
İlbaşı Ärdoğan söyläşüdä Ärmänstannıñ basıp alğan Azärbaycan cirlärennän çığuı kiräklegen belderde häm Azärbaycannıñ qarşılıq kürsätüçe xäräkätläreneñ üz territoriyäse belän çikle buluın äytte.
Ul Ärmänstan idaräsen ayıq aqıl belän söyläüşülär östäle artına utırırğa künderü kiräklegenä dä basım yasadı. Bu – bäxäskä ozaq waqıtlı çişeleş belän noqta quyu häm regionnıñ totrıqlılıqqa ireşüe öçen ähämiyätle.
Şul uq waqıtta, Törkiyä tışqı êşlär ministrı Mäwlet Çavuşoğlu da Rusiyädäge wazıyfadaşı Sergey Lavrov belän telefon aşa söyläşte. Diplomatik çığanaqlardan alınğan mäğ’lümatlarğa qarağanda, söyläşüdä Tawlı Qarabax mäs’äläse kütärelde.
