"Törkiyä iñ köçlelär arasında urın alaçaq"

Törkiyä ilbaşı Räcäp Tayyip Ärdoğan Törkiyäneñ säyäsi häm iq’tisadi bularaq dön’yadağı iñ köçlelär arasında urın alaçağın belderde. Ul AK partiyäneñ Samsunda oyıştırılğan 7nçe töbäk kongressında çığış yasadı.

Ärdoğan anda İzmirneñ Säfärihisar rayonında bulğan cir teträwdä ğomere özelüçelärgä Allahtan yarlıqaw, yaralılarğa şifalar teläde, yaqınnarın yuğaltuçılarnıñ qayğısın urtaqlaştı. “Cir teträwdän zarar kürgän izmirle qardäşlärebezneñ yaraların suıqlar häm yañğırlar başlanğançı bäylärgä niyätlibez,”-dide ilbaşı.

Ärdoğan “Qarşıbızda uzğan ğasırnıñ köçleläre bar,”-dide häm bolay dip däwam itte: “Köçlären zolım, qan tügü, xäylä häm basım belän xalıqlarnı koloniyäläşterüdä kürsätkän bu zalimnärgä uyınnıñ üzgärüen qabul itü ciñel tügelder. Törkiyäne äsirlekkä töşerä almadılar, Törkiyäne terrorçılıq belän tez çükterä almadılar, Törkiyäne tüntäreleş belän yığa almadılar, Törkiyäne yanaw, qamaw, ambargo belän boğawlıy almadılar, Törkiyäne iq’tisad belän dä beterä almayaçaqlar”.