Ärdoğan İzmirdä cir teträw kiçergän töbäkkä bardı

Törkiyä ilbaşı Räcäp Tayyip Ärdoğan İzmirdä cir teträw kiçergän töbäkkä bardı.  Bornova rayonında krizis üzägendä uzğan matbuğat cıyılışınnan soñ ul zilzilä iñ zur zıyan salğan Bayraklı rayonına kitte. Anda êzläw-qotqaru êşläre däwam itä.

Ärdoğan biredä işelgän ber yortnıñ cimerekläre mäydanına kerde. Wäzğıyät’ne häm êş barışın urınında küzätte. Äylänä-tirä moxit häm şähär tözeleşe ministrı Murat Kurum, AFAD oyışması räise Mäxmät Güllüoğlu häm başqa wäqalätlelär aña êşçänlek turında mäğ’lümat birde.