Cömhüriyät köne tantanaları

Törkiyä Cömhüriyäten iğ’lan itüneñ 97 yıllığı il êçendä, çit illärdäge wäkilleklärdä häm Tön’yaq Kipr Törek cömhüriyätendä tantanalar belän bilgelänep ütä.

Başqala Änkaradağı berençe çara Anıtkabirdä uzdı. İlbaşı Räcäp Tayyip Ärdoğan citäkçelegendäge delegaśiyä Atatörekneñ mavzoleyena çäçäklär quydı. Tantanadan soñ Anıtkabir watandaşlarnıñ zıyaräte öçen açıldı.

Bäyräm çaraları ilbaşı rezidenśiyäsendä däwam itä. Ärdoğan anda 29nçı oktyabr’ qotlawların qabul itä. Bäyräm uñayınnan Bäştäpädä “Milli köräş kürgäzmäse” açıluı kötelä.

Başqaladağı tantanalar “Cömhüriyät bäyräme kortejı” belän däwam itäçäk. Ul Törkiyä Böyek Millät mäclese binası yanınnan başlana häm Berençe mäcles binası yanında tögällänä. Annan alda orkestr çığışı kötelä.  

Antaliyädäge Patara antik şähärendä İlbaşı simfonik orkestrı zur konśert quya. Ul Törkiyä waqıtı belän säğat’ 19 tulıp 23 minutta başlana. Monnan tış, Urta diñfezdä 97 dayver qatnaşında su astı şowı oyıştırıla.