Törkiyä Ӓrmӓnstannıñ Azӓrbaycanda tınıç xalıqqa höcümnären ğayepläde
Tışqı êşlӓr ministrlığı :"Ӓrmӓnstannıň höcümen kisken rӓweştӓ ğayeplibez,Azӓrbaycan xalqınıň qayğısın urtaqlaşabız”
Törkiyӓ Ӓrmӓnstannıň Azӓrbaycanda tınıç xalıqqa qarata “keşeleksez höcüm”en ğayeplӓde.
Tışqı êşlӓr ministrlığı bu xaqtağı belderüendӓ Ӓrmӓnstannı suğış cinayӓte êşlӓwne tuqtatırğa çaqırdı.
Ministrlıq belderüendӓ: “Ӓrmӓnstan uzğan kön iğ’lan itelgӓn utnı tuqtatuğa qaramastan Azӓrbaycanda bӓreleşlӓr töbӓgennӓn çittӓ tınıç xalıq toraq punktlarına höcüm itep barlıq humanitar hӓm ӓxlaqi qıymmӓtlӓrne ayaqlar astına salıp taptadı. Ӓrmӓnstannıň höcümen kisken rӓweştӓ ğayeplibez. Vöcdan hӓm cawaplılıq xislӓrenӓ iyӓ illӓrne Ӓrmӓnstan dӓwam itkӓn suğış cinayӓt’lӓren tuqtatırğa çaqırabız. Höcümdӓ ğomere özelgӓn keşelӓrgӓ Allahtan yarlıqaw, yaralanğan keşelӓrgӓ şifalar telibez, Azӓrbaycan xalqınıň qayğısın urtaqlaşabız”,- diyelde.
İsegezgӓ töşerӓbez: Ӓrmӓnstan qorallı köçlӓreneň kiçӓ kiçke sӓğӓt’lӓrdӓ Berde qalasına oyıştırğan höcümendӓ tınıç xalqtan 4 keşeneň ğomere özelgӓn, 13 keşe yaralanğan ide.
