"Könbatış illäre Azärbaycan yağında tügel"

Törkiyä ilbaşı Räcäp Tayyip Ärdoğan Könbatış däwlätläreneñ Azärbaycan yanında bulmawın äytte. Ul ilneñ Şırnak töbägendä uzğan AK partiyä kongressında çığış yasadı.

Ärdoğan Tawlı Qarabax mäs’äläsen çişärgä burıçlı Minsk öçleseneñ (AQŞ, Rusiya, Franśiya) Ärmänstanğa qoral belän yärdäm itüen belderde.

“Bolar êşlängän arada azärbaycan qardäşlärebez ärmännärgä bik citdi qarşılıq kürsätä. Bu qarşılıq ni öçen êşlänä? Çönki Azärbaycannıñ ärmännär basıp alğan cirlären qotqarırğa telilär. Bu tabiğıy tügelme? Rabbım yärdämçe bulsın alarğa. Yawlaw astındağı ul cirlärne ärmännärdän alaçaqlar häm qotqaraçaqlar dip ışanam,”-dip söyläde Ärdoğan.

Törkiyä ilbaşı üz çığışında Sakariya mäydanındağı gaz turında da belderü yasadı.

“Sakariya gaz mäydanında Tuna-1 (Dunay) qoyısında tabılğan 405 milliard kubometr tabiğıy gaz yıllar buyı ilebezneñ ixtiyacına cawap birerelek külämdä,”-dide ul.