Oktay: "Ärmänstan keşelek cinayäten yasıy"
Törkiyä İlbaşı urınbasarı Fuat Oktay Ärmänstannıñ keşelek cinayäten yasawın belderde
Fuat Oktay “Twitter” akkauntınnan yasağan belderüendä: "Utnı tuqtatudan xätta 24 säğät’ tä uzmıy torıp qabat tınıç xalıqnı tämek itep alğan Ärmänstan keşelek cinayäten yasıy. Xalıqara cämäğätçelek şuşı ike yözle totışnı kürmämeşkä salınıp, Ärmänstan yasağan cinayätlärdä bergä qatnaşqan bula. Şähit bulğan qardäşlärebezgä Allahıdan yarlıqaw telim”, - dip äytte.
Ärmänstan häm Azärbaycan Rusiyä başqalası Mäskäwdä ütkärelgän söyläşülärdä 10nçı üktäbr’ könne cirle waqıt belän säğät 12:00dän başlap Tawlı Qarabaxtağı mäyetlärneñ häm äsirlärneñ almaşuı öçen humanitar maqsatlı utnı tuqtatu qararına kilgän ide.
Ärmänstan ğaskäreneñ utnı tuqtatudan 24 säğät’ uzmıyça Azärbaycannıñ Gäncä şähärenä raketalar belän höcüm itüe näticäsendä 9 keşeneñ ğomere özelgän, 34 keşe yaralanğan ide.
