"Qarabax yawlawdan qotılğanğa qadär bu köräş däwam itäçäk"

Törkiyä ilbaşı Räcäp Tayyip Ärdoğan Konya Şähär xastaxanäseneñ açılışında çığış yasadı häm Ärmänstannıñ Qarabax probleması çişelmiçä qabat höcüm itüen, läkin bu tapqır kötelmägän näticä belän oçraşuın äytte.

Qardäş Azärbaycannıñ yawlaw astındağı Qarabaxnı qotqaru öçen zur xäräkät başlatuın häm xäzergä qadär Azärbaycan armiyaseneñ şaqtıy urınnı yawlawdan qotqaruın beldergän ilbaşı tübändägeçä citkerde: “Barlıq mömkinleklärebez häm yörägebez belän dus häm qardäş Azärbaycan yanında bez, yanında bulaçaqbız da. Qarabax yawlawdan qotılğanğa qadär bu köräş däwam itäçäk.”

Könçığış Urta diñgezdäge täräqqıyät’lärgä dä tuqtalğan Ärdoğan Törkiyäneñ Liviya kileşüe belän Könçığış Urta diñgezneñ möhim öleşen legal’ êşçänlek mäydanına äyländerüen açıqladı.

“Törkiyägä yanawçılar, buş şantaj yasawçılar dialog çaqırularına qolaq salırğa mäcbür qaldı. Süriyädä bezgä yanawçılar uñışqa ireşä almayaçaq inde,” – dide ul.