"Kizüdä küp zarar bulmadı"

Törkiyä ilbaşı Räcäp Tayyip Ärdoğan Törkiyäneñ koronavirus kizüendä iñ äz zarar kürgän illärdän berse buluın belderde.

Ärdoğan İstanbuldan Tön’yaq Marmara avtoyulınıñ Gäbzä-İzmit yul çatındağı öleşen açu tantanasında videokonferenŝiya aşa qatnaşıp, çığış yasadı.

Çığışında Törkiyäne global’ häm regional’ köç yasar öçen adım yasawların assızıqlağan ilbaşı: “Törkiyäneñ iqtisadı maqsat itep alınğan çorda kizü belän oçraştıq. Koronavirus barlıq däwlätlärgä awır täêsir itte. Şökerlär bulsın, Törkiyä kizüdä iñ äz zarar kürgän illär arasında,” – dide.

Ärdoğan yılnıñ öçençe çiregendä citeşterüne däwam itterep, kizü täêsirläreneñ möhim öleşen artta qaldıruların belderde.