Төркиядән Aврупa пaрлaмeнтынa рeaкция - Törkiyädän Awrupa parlamentına reakśiya

Төркия Aврупa Пaрлaмeнты гoмум шурaсындa кaбул итeлгән чынбaрлыкны чaгылдырмaвчы 17нчe сeнтябрь көнгe киңәш кaрaрының шaктый ягы бeлән кaбул итeлмәслeк булуын бeлдeрдe.

Tışqı êşlär ministrlığı Awrupa Parlamentınıñ Törkiyägä qağılışlı kiñäş qararları belän bäyle bularaq: "Awrupa parlamentı ğomum şurasında barı tik Awrupa Berlege äğ’zalek teläktäşlege öçen häm qayber äğ’za illärneñ êgoistik mänfäğät êzlänülärenä xezmät maqsatınnan çığıp qabul itelgän, xaqıyqätlärdän yıraq 2020nçe yılnıñ 17nçe sentyabr’ könge kiñäş qararı şaqtıy yağı belän qabul itelmäslek”, - dip belderde.

Ministrlıqtan yasalğan belderüdä Awrupa parlamentınıñ kiçä Törkiyä belän bäyle bularaq qabul itkän kiñäş qararlarına tuqtalıp uzılıp: "Ağ’zä illär häm Awrupa parlamentı belän bergä böten Awrupa Berlege oyışmalarına här däräcädä bez yasağan kereşülärebezgä qaramastan mondıy taraf totuçı kiñäş qararınıñ qabul itelüe yaxşı niyätkä häm töple fikergä turı kilmi”, - dip äytelde.

Awrupa parlamentınıñ "taraflı häm xaqsız" buluı tänqitlängän belderüdä: "Awrupa parlamentı şuşı taraflı häm xaqsız totışı belän häm wäqaläte bulmağan diñgez xoquqındağı yaraşsız häm ber yaqlı añlatmaları belän ixtiramlığın yuğalta”, - dip basım yasaldı.

Awrupa Berlege oyışmaları häm Awrupa parlamentına äğ’za illär arasındağı bäxäsle mäs’älälärdä ğadel bulırğa çaqırılğan belderüdä: "Ni Awrupa parlamentınıñ, ni dä Awrupa Berlegeneñ ni dä Awrupa Berlege äğ’zase däwlätlärneñ öçençe illärneñ çiklären häm wäqalät ölkäsen bilgeläw wäqaläte bar. Awrupa parlamentı häm Awrupa Berlegeneñ başqa oyışmaları çişeleş häm Awrupa kileşüe mäs’äläsendä êçkersez bulsalar, barı tik ciñeläytüçe häm kileşterüçe totışta bulırğa, namzät il Törkiyägä tiskäre qaraşsız totışta bulırğa, illär arasındağı bäxäsle mäs’älälärdä ğadellek yaqlı bulırğa häm taraf totmasqa tiyeş”, - dip bäyäläw yasaldı.

Törkiyäneñ üzenä qarşı kürsätelgän xaq-xoquq tanımawçı totışlar aldında yaxşı niyät kürsätüen, qotqı saluçı ğamällärgä qarşı isä  aqıllı häm töple fikerle totışta toruı assızıqlanğan belderüdä Törkiyäneñ üzeneñ häm Tönyaq Kipr Törek Cömhüriyäteneñ xalıqara xoquqqa bäyle mänfäğätlären dä yaqlarğa däwam itäçäge äytelde.

Awrupa parlamentı ğomum şurasında Könçığış Urta diñgez mäs’äläsendä Törkiyä qabul itelmäslek kiñäşlär äytelgän täq’dim qabul itelgän ide.