"Төркия бeлән үпкәләшсәк, прoблeмaлaр xәл итeлмәс" / "Törkiyä belän üpkäläşsäk, problemalar xäl itelmäs"

Törkiyä belän qarşılıqqa kerü - Awrupa Berlege belän älege il arasındağı mönäsäbätlärgä çişeleş kitermäyäçäk. Bu xaqta  Awrupa Berlege tışqı mönäsäbätlär häm iminlek säyäsäte yuğarı wäkile Djozef Borrel’ belderde. Ul problemalarnı dialog häm fiker alışular yärdämendä çişärgä çaqırdı.

Borrel’ Awrupa parlamentında, Könçığış Urta diñgez häm Törkiyäne dä kertep, tışqı mönäsäbätlär xaqındağı Ğomum şura cıyılışında deputatlarğa möräcäğat’ itte.  Ul “Oruç Räis” köymäseneñ Antaliya portına kitüen “döres yünäleştäge adım” bularaq bäyäläde. “Bu bezgä söyläşülär öçen tağın da kübräk êş başqara alınuına ömet birä. Monı xärbi ısul belän tügel, dialog häm söyläşülär belän çişäçäkbez,”-dide Borrel’. Ul, şulay uq, Törkiyä belän qapma-qarşı poziśiyädä torunıñ problemalarnı çişmäyäçägen dä äytte. “Törkiyä Awrupa Berlegeneñ ähämiyätle kürşese. Geografiyäne üzgärtä almağanğa kürä, kürşe bulıp qalaçaqbız.  Törkiyä, ber ük waqıtta, migraśiyä häm başqa mäs’älälärdä möhim xezmättäş. Mäsälän, möhacir ağımnarın Törkiyäneñ yärdämennän başqa xäl itüneñ awır ikänen beläbez. Törkiyä, monnan tış, Awrupa Berlegenä kandidat däwlät,”-dip söyläde Djozef Borrel’.