“ Sӓlamӓtlek saqlaw sistemasınıň qaqşawına da, iq’tisadnıň tuqtap qaluına da mömkinlek birmӓdek"

Törkiyӓ ilbaşı Rӓcӓp Tayyip Ӓrdoğan Bӓştӓpӓ kongress hӓm mӓdӓniyat üzӓgendӓ Törkiyӓ straxovkasın tanıtu tantanasında çığış yasadı. Ul üz çığışında tübӓndӓgelӓrne citkerde: “Törkiyӓ straxovkası dӓwlӓt qaramağındağı 6 oyışma êşçӓnlegen berlӓşterӓ, bu isӓ şirkӓtlӓrneň citeşterüçӓnlegen, nӓticӓlelegen arttıraçaq , çığımnarnı kimetӓçӓk, tarmaqqa yaňa dinamizm kiterӓçӓk. Törkiyӓ staxovkasınıň bu tarmaqnı global’ köndӓşlektӓ iň yuğarı dӓrӓcӓgӓ kütӓrüenӓ ömetlӓnӓm”.

İlbaşı Kovid -19 êpidemiyӓse belӓn bӓyle “Şaqtıy dӓwlӓt bu êpidemiyӓgӓ ӓzer tügel ide. Matdi yaqtan bezdӓn östen bulğan dӓwlӓtlӓr cӓmӓğӓt’ qurqınıçsızlığı hӓm mediśina ixtıyacları mӓs’ӓlӓsendӓ qıyınlıqlar belӓn oçraştılar. Dönya yaňa çorğa kerde, anda monnan soň bernӓrsӓ dӓ êlekke kebek bulmayaçaq.Kovid -19 êpidemiyӓsendӓ Törkiyӓneň sӓlamӓtlek saqlaw sistemasınıň qaqşawına da, iq’tisadınıň tuqtap qaluına da mömkinlek birmӓdek” dide.

Ӓrdoğan :” Bu barış bezgӓ dӓ tiskӓre yoğıntı yasadı. Lӓkin başqa illӓr belӓn çağıştırğanda bu tӓêsirne minimumda saqlap qala aldıq”,-dide.

İlbaşı ӓytüençӓ, böten dönyada investiśiyӓlӓr tuqtap qalğan çorda alar investiśiyӓlӓren tizlӓttelӓr hӓm Törkiyӓ iq’tisadın kire qaytardılar.