Greklar Törkiyä belän söyläşep kileşü yaqlı

Greśiyädä uzdırılğan ber sośiologik tikşerenü il xalqınıñ 69,8%ınıñ ikeyaqlı problemalarnı xäl itü öçen Törkiyä belän dialog tözelüe yaqlı buluın kürsätte.

Afinada çığuçı “Ta Nea” gazetı älege soraştırunıñ näticälären bastırdı. Anda Törkiyä belän kiyerenkelekne beterü öçen dialog yulın saylaw turındağı sorawğa cawap birüçelärneñ 69,8%ı söyläşülärne xuplawın belderä.  

Anketada qatnaşuçılarnıñ 63,7%ı kiläse çorda Törkiyä belän citdi waqıyğalar çığu mömkinlegen yuğarı yäisä urta däräcädä dip uylıy. 34,5%ı bu ixtimalnıñ az yäisä hiç bulmawın isäpli.

Greśiyäneñ Törkiyägä qarşı xärbi çaralar qullanu kiräklege belän bäyle sorawğa isä soraştırıluçılarnıñ 49,2%ı “kiräk” yäisä “möğayen, kiräkter” dip cawap birä . 47,1%ı – suğış çığuğa qarşı.