"Kipr törekläreneñ xoquqların tartıp ala almayaçaqlar"

AK partiyä süzçese Ömär Çälik Törkiyäneñ Tön’yaq Kipr Törek cömhüriyätenä (TKTC) yasalırğa mömkin hiçber ğadelsezlekkä yul quymayaçaqların belderde.

Ul Twitterda AQŞnıñ Kipr grek idaräsendä qoral êmbargosın beterüeneñ yalğış qarar buluın yazdı. Çälik grek idaräseneñ utrawda totrıqsızlıq häm tupikka kiterüçe yaq buluın assızıqladı.

“Bu qarar grek idaräseneñ xaqsız taläplären qanäğat’länderü. Törkiyä häm TKTC xoquq, diplomatiyä häm ğadellek tışında hiçber yul belän qarar çığarırğa mäcbür itelä almayaçaq,”-dide ul häm däwam itte: “Bez ğadellek nigezendä söyläşülär yaqlı, ämma Greśyä pirat kileşülär belän bu öslekne yuqqa çığara. Kön’yaq Kipr idaräse berqayçan da Kipr törekläreneñ xoquqların tartıp ala almayaçaq. Törkiyä ğarantyer däwlät bularaq Tön’yaq Kipr törek cömhüriyäteneñ xoquq häm mänfäğat’lären saqlarğa sälätle. İlbaşıbıznıñ yullaması açıq – xaq häm mänfäğat’lärebez mäs’äläsendä bernindi qurqıtunı qabul itmäyäçäkbez häm berqayçan da waz kiçmäyäçäkbez”.