"Ägär qorallanu çiktän tış artsa, yuğaltuçı yaq Greśiyä bulaçaq"

Törkiyäneñ tışqı êşlär ministrı Mäwlet Çavuşoğlu Meis utrawında qorallanu çiktän tış xälgä kilsä yuğaltkan yaqnıñ Greśiyä bulaçağın belderde. Ul başqala Änkarada Aljir tışqı êşlär ministrı Sabri Bukadum belän oyıştırılğan matbuğat oçraşuında älege mäs’älä belän bäyle belderülär yasadı. “Greśiyä mäğ’lümat çaralarında çıqqan xäbärlärdän soñ kizü almaşınu buluın äytte. Ägär qorallanu çiktän tış artsa, yuğaltuçı yaq Greśiyä bulaçaq. Greśiyä Awrupa Berlegeneñ bersüzsez yärdäme belän xalıqara xoquqqa qarşı kilüçe provokaśiyälär yasıy. Bez berkemneñ xaqına kermibez, üzebezneñ xaqıbızğa da kertmibez,”-dide ministr.   

Çavuşoğlu Könçığış Urta diñgez belän bäyle bularaq Törkiyäneñ härkem belän östäl artına utırıp ğadel büleşü öçen söyläşülär yaqlı buluın citkerde.