"Törkiyäne 21nçe ğasırnıñ lider däwlätlärennän berse itärgä xıyallanam"

Törkiyä ilbaşı Räcäp Tayyip Ärdoğan Törkiyäneñ saqlanu sänäğatendä çit illärgä bäylelegeneñ 70%tan 30%qa töşüen belderde. Ul Kocaelineñ Gäbzä rayonında TÜBİTAK aldınğı täcribä üzäkläre açılış tantanasında çığış yasadı. “Böyek häm köçle Törkiyä öçen quyğan maqsatlarıbızğa nıqlı adımnar belän barabız,”-dide ilbaşı.

Ärdoğan ilne 21nçe ğasırnıñ lider däwlätlärennän berse itärgä xıyallanuların äytte. Mäsälän, Kovid-19ğa qarşı vakśina çığaruçılar arasında Törkiyä Bötendön’ya sälamätlek saqlaw oyışması isemegendä AQŞ häm Qıtaydan soñ 3nçe urında tora. Ärdoğan TÜBİTAK citäkçelegendä qorılğan Kovid-19 Törkiyä platformasınıñ 8 törle vakśina häm 10 törle daru proyektı alıp baruların citkerde. İke vakśina yasawda xaywannarda sınaw uñışlı tögällängän. İlbaşı alardan berseneñ êtika komitetı röxsäten alıp keşelärdä klinik täcribä uzdıru êtabına kerüen äytte.