İnglizlär Törkiyädä yal itärgä kiñäş birä

Angliyanıñ Änkaradağı ilçese Dominik Çilkott ingliz turistlarnıñ Törkiyädä yal itüe öçen söyenüen belderde. Ul ike aradağı oçışlarnıñ däwam itäçägen dä äytte. “İyün’ ayı axırında Böyekbritaniyä xökümäte säyäxät kiñäşlären yañarttı. Ul könnän soñ berniçä ilneñ ışanıçlı buluı, Angliya turistlarınıñ alarğa säyäxät itä aluı turında qarar çığarıldı. Bolar koronavirusnı kontrol’gä alğan däwlätlär. Törkiyä dä alardan berse. Yäğ’ni barırğa mömkin yäşel däwlätlärdän berse häm Törkiyä säyäxät öçen kiñäş itelüçe urınnar isemlegenä kerde,”-dip söyläde ilçe.   

Çilkott Kovid-19 karantin çaraların da küzdän kiçerülären citkerde. Törkiyägä säyäxät itüçe berençe törkemdä urın alğan turistlar yaldan qaytqaç karantinda utırmayaçaq. İlçe böyekbritaniyälelärneñ Törkiyägä kilüläre öçen işeklärneñ açıq buluın assızıqladı. “Angliyädän oçışlar 15nçe iyül’dä başlandı. Antaliya häm Muğla, Dalamanğa küp kilälär. Turistlarıbız Törkiyädä yal itülärennän qanäğat’. Älegä qadär hiçbersennän şiqayät’ kilmäde. Törkiyädä turizm tarmağında kürsätelüçe xezmät sıyfatı bik yuğarı. Bu atnada berniçä meñ ingliz kilde,”-dide Dominik Çilkott.