“Awrupa Berlege Törkiyӓgӓ qaçaqlar öçen wӓğ’dӓ itelgӓn aqçanı tülӓrgӓ tiyeş”
Bu xaqta Vengriya tışqı êşlӓr hӓm sӓwdӓ ministrı citkerde
1446303
Vengriya tışqı êşlӓr hӓm sӓwdӓ ministrı Peter Sijarto Awrupa Berlegeneň Törkiyӓgӓ qaçaqlar öçen wӓğ’dӓ itelgӓn aqçanı tülӓrgӓ tiyeşlegen belderde.
Ul bu xaqta Ӓnkarada Törkiyӓ tışqı êşlӓr ministrı Mӓvlüt Çavuşoğlu belӓn küreşkӓnnӓn soň ütkӓrelgӓn urtaq matbuğat oçraşuında citkerde.
Vengriya ministrı Awrupa Berlegeneň Törkiyӓgӓ qaçaqlarğa yӓrdӓm öçen 6 milliard yevro tülӓrgӓ süz birüen iskӓ töşerep: “Awrupa Berlege 4 milliard 700 million yevro tülӓwen ӓytӓ, ӓmma törek wazıyfadaşlar alay uylamy. Bu mӓs’ӓlӓ tiz arada açıqlanırğa tiyeş. Awrupa Berlegeneň tiyeşle aqçanı tülӓwe zarur, kirӓk bulsa yaňa kileşü tözelsen”,- dide.
