N'yu-Yorktan maxsus reys

Törek hawa yulları koronavirus säbäple AQŞta qayta almıyça qalğan Törkiyä watandaşları öçen 25nçe iyün’dä N’yu-Yorktan maxsus säfär yasayaçaq. Bu xaqta ilneñ älege qaladağı konsullığınnan da belderdelär. Anda bolay diyelä: “Törek hawa yulları 2020nçe yılnıñ 25nçe iyünendä, pänceşämbe könne N’yu-York waqıtı belän säğat’ 12dä JFK aêroportınnan İstanbulğa maxsus säfär yasarğa planlaştıra”.

Biletlarnı Törek hawa yullarınıñ şaltıratu üzägennän häm nycinfo@thy.com adresına yazıp N’yu-York ofisınnan alırğa mömkin.

İğ’landa äytelgänçä, Kovid-19 bilgeläre bulğan yäisä monnan alda koronavirus diagnozı quyılğan keşelär oçışqa qabul itelmäyäçäk. Çönki bu başqa yulçılarnıñ iminlegenä yanıy.

Törek hawa yulları AQŞtan täwge tariflı oçışların 21nçe iyün’ könne başladı. Oçqıçlar Çikağo häm Vaşington şähärlärennän kütärelä. N’yu-Yorktan älegä oçışlar açılmadı.