Törkiyä iñ yaxşı vakśinanı çığaraçağına ışandıra
Kiläse ay başoında anıñ berençe näticäläre xaqında belderäçäklär
Törkiyädä koronavirusqa qarşı vakśina yasaw proyektınıñ näticäläre iyül’ başında kürenergä mömkin. Bu xaqta sänäğat’ häm texnologiyä ministrı Mostafa Varank citkerde. Ul ber telekanalda könüzäk mäs’älälär belän bäyle belderülär yasadı.
Varank Kovid-19 kizüendä däwlät bularaq üz-üzeñne täêmin itä alunıñ niqadär ähämiyätle buluı añlaşıluın söyläde. Bu uñaydan Törkiyä kilgän noqtanı cämäğat’çelekkä kürsätergä teläwlären dä äytte.
Ministr beldergänçä, saqlanu sänäğatendä cirle citeşterü däräcäse 70%qa citte. Bu qısalarda tışqa bäyle bulğan mäs’älälärdä dä zur ğayrät kürsätelüen assızıqladı.
Varank dön’yadağı täêminat çılbırında Törkiyäneñ bik ähämiyätle al’ternativa bularaq alğı planğa çığa aluına basım yasadı. Cirle şirkätlärneñ kübese global’ firmalarğa tovar cibärüçe bula ala.
Ministr Kovid-19ğa qarşı vakśina häm daru uylap tabu êşçänlegenä dä tuqtaldı. Bu nisbättän ul xaywannarda täcribä ütkärü êtabına kilülären häm iyül’ ayı başında näticälärne kötülären citkerde.
“Bälki dön’yağa berençe vakśinanı iğ’lan itmäyäçäkbez, ämma iñ yaxşısın yasap çığara alabız. Bu fänni yarış, bez bu mäydanda dön’yada aldınğı bulaçaqbız,”-dide ministr.
