Çad barı tik Törkiyädän yärdäm kilüen belderde

Koronavirus belän köräştä Çadqa yärdäm qulı suzğan berdänber däwlät Törkiyä buldı. “Qulıbızda barı tik Törkiyädän cibärelgän 25 sulış alu cihazıbız bar,”-dide älege ilneñ sälamätlek saqlaw ministrı Mäxmüt Yusuf Xayal. Ul Kovid-19ğa qarşı toru öçen mediśina yärdämenä ixtiyacları buluın belderde.   

Ministr parlament utırışında oppoziśiyäneñ koronavirus belän köräş qısalarında başqarılğan êşlär häm mediśina kiräk-yaraqlarınıñ torışı belän bäyle sorawına başqala Ndjamena häm berniçä töbäktä 2 millionnan artıq bitlek taratıluın söyläde. Ul sulış alu apparatı häm başqa cihazlarnıñ citärlek bulmawın äytte. Yärdäm barı tik Törkiyädän kilgän.

İlbaşı Räcäp Tayyip Ärdoğan kürsätmäse buyınça sälamätlek saqlaw ministrlığı tarafınnan xäzerlängän mediśina kiräk-yaraqları 26nçı mayda oçqıç belän Çadqa iltelde. Törkiyä alarğa ber aşığıç yärdäm maşinası da cibärde.

Çadta kizüdän älegä qadär 73 keşe ülde, 850 yoqtıru oçrağı terkälde.