"Fälästin cirläreneñ kemgä dä bulsa birelüenä küz yommayaçaqbız"

Törkiyä ilbaşı Räcäp Tayyip Ärdoğan Fälästin cirläreneñ kemgä dä bulsa birelüenä küz yommayaçaqların citkerde. Ul AQŞtağı möselmannarğa Ramazan bäyräme belän qotlap video cibärde. Anda mondıy süzlär bar: “Rabbımnan bu möbaräk könnärneñ amerikalı möselmannar belän böten İslam dön’yasınıñ häm keşelekneñ xozur, iminlek, tınıçlıqta yäşäyäçäk çorğa kerü başlanğıçı buluın sorıym”. Ärdoğan koronavirus kizüeneñ dön’yada hiçber region, millät yäisä däwlät öçen iyerarxiyälär häm östenleklärneñ ğamälgä bulmawın kürsätüen söyläde.

“Öç dinneñ izgese bulğan, täwge qıyblabız Qudüs-ü Şärifneñ dön’ya möselmannarınıñ ütelmäslek çige buluın tağın ber qat qabatlarğa telim,”-dide Törkiyä ilbaşı häm Fälästin cirläreneñ başqalarğa birelüenä tınıç qına qarap tormayaçaqların citkerde.