Törkiyä tabibı Amerikada ülde
Ul awırularınnan koronavirus yoqtırğan
1415479
![Törkiyä tabibı Amerikada ülde](http://cdn.trt.net.tr/images/xlarge/rectangle/91af/4fab/c6c0/5e8f0ca574904.jpg?time=1718750945)
AQŞnıñ N’yu-Djersi ştatında üze däwalawçı awırulardan koronavirus yoqtırğan törek tabib Xälil Sina Zaimnıñ ğomere özelde. 69 yäş’lek kardiolog häm terapevt soñğı könnärdä Kovid-19 säbäple xastaxanädä yatqan. Ämma anı qotqara almıylar. Zaim N’yu-Yorkta cirlände.
Ul 1951nçe yılda başqala Änkarada tuğan. Törkiyä, Kanada, Şveyśariyä häm AQŞta mediśina beleme alğan. Tabib Xälil Sina Zaimnıñ istälegenä törek-amerikalı mediśina cämğıyäte tarafınnan ağaç utırtılaçağı belderelde.
Diplomatik çığanaqlardan alınğan mäğ’lümatlarğa qarağanda, AQŞta Kovid-19 säbäple älegä qadär N’yu-York/ N’yu-Djersi regionında – 19, Çikagoda – 3 häm Floridada – 1, tulayım alğanda 23 Törkiyä watandaşı wafat bulğan.