Kümäk yal itülär modadan çığa

Koronavirus kizüennän soñ yaxta turizmına taläplär küp kilä başlağan. Bu xaqta Törkiyäneñ İstanbul häm Märmär, Êgey, Urta, Qara diñgez regionnarı säwdä palatasınıñ İzmir filialı idarä räise Yusuf Öztürk belderde. Anıñ fikerençä, yaña çorda massaküläm turizm üzeneñ populyarlığın yuğaltaçaq.

Yusuf Öztürk İzmir Tuğızınçı sentyabr’ universitetınıñ diñgezçelek fakul’tetın tämamlawçılar cämğıyäte oyıştırğan videokonferenśiyädä çığış yasadı. Anda ul monnan soñ individual’ häm izolyaśiyäle turizm yullarınıñ modada bulaçağın citkerde. Xäzergä qadär Törkiyädä dingez turizmı älege tarmaqtağı keremnärneñ 20%ın alıp tora ide. Kiläçäktä bu kürsätkeçneñ üsü ixtimalı zur.

“Keşelärneñ butik otel’lär, yaxta turizmı, blü voyaj (zäñgär säyäxät) şikelle yal itügä taläpläreneñ citdi räweştä artuın küzätäbez. Êgey häm Urta dingez yarlarında blü voyaj qabat tuaçaq. Monı ähämiyätle kerem çığanağına äwerelderä alabız,”-dide Öztürk. Ul yaxta turizmında sıydırışlılıq häm gigiyena şartları bilgelängännän soñ, 1nçe iyün’dä sezonnı başlayaçaqların belderde.