Bügen - Änilär köne

Törkiyä ilbaşı Räcäp Tayyip Ärdoğan Änilär köne uñayınnan qotlawnamä yulladı. Anda ul: “Kiläse näsellärne citeşterüdä in zur cawaplılıqnı üz östenä aluçı, fidakyarlıq häm çiksez söyüneñ ürnäge, iñ qıymmätle sıyınu urınıbız, berençe uqıtuçıbız – analarıbıznı Änilär köne belän täbrik itäm,”-dip yaza.

“Barıbız öçen şägqat’ qoçağı häm imin yar bulğan änilärebez cännätneñ alar ayaq astında buluına ışanuçı bezlär öçen başıbıznıñ tacı,”-dip däwam itä Törkiyä ilbaşı. Ul änilärgä bulğan burıçıbıznı berqayçan da tüli almayaçağıbıznı äytä.

“Balaları öçen barlıq awırlıqlarğa qarşı toruçı häm zur tüzemlelek belän bezgä yulnı yaqtırtuçı änilärebezneñ ixtiyacların häm ömetlären qanäğat’länderü, bäxetle häm xozurlı buluları, tormış şartlarınıñ yaxşırtıluı öçen armıy-talmıy êşläwne däwam itäçäkbez. Kiläçägebezneñ, berlek häm berdämlegebezneñ iñ ähämiyätle arxitektorları, härwaqıtta xörmätneñ iñ zurısına layıq zatlarıbıznıñ Änilär könen qotlıym, axirätkä küçkän barlıq analarıbıznı şäfqat’ häm räxmät belän iskä alam,”-diyelä Räcäp Tayyip Ärdoğannıñ qotlawnamäsendä.