Amerika Quşma Ştatlarınnan Törkiyägä maxsus oçışlar
AQŞta qayta almıyça qalğan töreklärne ilgä qaytaru däwam itä
Koronavirus kizüe arqasında Amerika Quşma Ştatlarında qalğan Törkiyä watandaşları öçen Törek hawa yularlı maxsus säfärlär oyıştıraçaq. Oçışlar 15nçe mayda N’yu-York häm Çikagodan, 16nçı mayda X’yustonnan häm 17nçe mayda Mayamidan bulaçaq. Bu xaqta Törkiyäneñ Vaşingtondağı ilçelege yazma belderü yasadı.
Şunısı da bar, oçar aldınnan koronavirus bilgeläre bulğan yäisä annan alda Kovid-19 diagnozı quyılğan yulçılar bortqa alınmayaçaq.
Älege säfärlär belän Törkiyägä qaytuçılar 14 kön buyınça karantinda totılaçaq.
AQŞ belän Törkiyä arasındağı oçışlar 27-28nçe martta tuqtatılğan ide. Qayta almıyça qalğan watandaşlar öçen 23-24nçe aprel’ könnärendä Vaşington, N’yu-York häm Los-Anjelestan 3 maxsus säfär oyıştırıldı.
Bäyläneşle xäbärlär
Törkiyäneñ pilotsız oçu apparatları Afrika bazarında
“Zyrone Dynamics” dron şirkäte êşlänmären Afrika ilenä êksportladı
Törkiyä xärbi-hawa köçläre öyränülär uzdırdı
Xärbi oçqıçlar Qara diñgezneñ xalıqara hawa kiñleklärendä öyränü missiyäse başqardı
