"Dön’yadağı däwlätlärneñ öçtän ikese Törkiyädän yärdäm soradı"
Törkiyä tışqı êşlär ministrı koronavirus belän köräştä ilneñ role turında söyläde
Törkiyädän barlığı 128 däwlät koronavirus belän köräşü öçen mediśina kiräk-yaraqları sorağan. Şularnıñ yaqınça yartısına yärdäm itä alğannar. Bu xaqta Törkiyä tışqı êşlär ministrı Mäwlet Çavuşoğlu belderde. Ul ber telekanalda tapşıruda qatnaşıp sorawlarğa cawap birde.
Ministr äytüençä, Törkiyädän mediśina êşlänmälären gumanitar yärdäm bularaq ta, êksportlarğa yäisä satıp alırğa sorağannar.
Çavuşoğlu şuşı könnärdä genä sälamätlek saqlaw ministrı Fäxretdin Koca belän Paragvaynıñ möräcäğatenä niçek cawap biräçäklären söyläşülären äytte.
“Dön’yadağı däwlätlärneñ öçtän ikese Törkiyädän mediśina êşlänmäläre soradı. Bu Törkiyäneñ ışanıçlı çığanaq buluın kürsätä,”-dide ul.
Çavuşoğlu Törkiyäneñ sälamätlek tarmağındağı täcribäsen dön’yanıñ här cirendä urtaqlaşuın assızıqladı.
“Bötendön’ya sälamätlek saqlaw oyışması, xalıqara cämäğat’çelek, Amerika Quşma Ştatları häm başqa däwlätlär Törkiyäne mediśinada ürnäk bularaq kürsätä.Bu tördäge yasalaçaq yärdämnär kiläçäktä Törkiyäneñ ışanıçlı çığanaq bularaq marka xälenä kilüen täêmin itäçäk,”-dip söyläde ministr.
