Törkiyädä tormış üz ğadäti cayına qayçan keräçäk?

İstanbulda Hubär utarında videokonferenśiya ısulı belän uzdırılaçaq cıyılışnıñ kön tärtibendäge iñ möhim mäs’älä cayğa salınu planınıñ yul kartası bulaçaq.

4 êtaptan toraçaq plan cämğiyät’ sälamätlegen risk astına quymıyça çaralarnıñ êtaplı räweştä yomşatıluın üz êçenä ala.

Planğa kürä, bu ay äzerlek êtabı bulaçaq.

Ramazan bäyräme belän dä plannıñ ikençe êtabına uzılaçaq. Mäğarif, transport häm turizm belän bergä qayber ölkälärdä adımnar yasalaçaq.

Mäktäplärdä uqıtu 1nçe iyün’dä êtaplı räweştä başlanaçaq.

Bu êtapta şähärlär arasındağı transportnıñ açıluı häm êçke turizm maqsatlı räweştä turizm urınnarınıñ êşçänlegeneñ başlatıluı kötelä.

İkençe êtapta kizü belän köräştä aqsawlıq bulmağan oçraqta öçençe êtapqa kereläçäk. Sentyabr’ ayı belän başlanaçaq şuşı êtapta mäğarif ölkäsendäge adımnar däwam iteläçäk. Koronavirus vakśinasına qağılışlı êşçänlek tä tizläteläçäk.

Kiläse yıl başınnan başlap dürtençe häm soñğı êtap bulaçaq. Şuşı waqıtta kizü tulısınça beterelgän çaqta tormış normal’ barışına äylänep qaytaçaq.