Törkiyädän Xafterğa reakŝiya

Törkiyä Liviyaneñ könçığışındağı legal’ bulmağan köçlär liderı Xafternıñ üzen däwlät başlığı itep iğlan itüenä reakŝiya kürsätep, xalıqara cämäğat’çelekneñ soñarmıyça kiräkle cawapnı qaytaruı zarurlığın belderde.

Tışqı êşlär ministrlığınnnan yasalğan yazma açıqlawda bolay diyelä: “Xafter bu açıqlawı belän Liviyadäge krizisnıñ säyäsi dialog yärdämendä çişelüen telämäwen, Berlin Konferenŝiyaseneñ näticäläre belän ber rättän bu yuldağı xalıqara tırışlıqlarnı xuplamawın häm ildä xärbi diktatorlık barlıqqa kiterüne maqsat itüen tağın ber qat kürsätte.”

Açıqlawda Xafternıñ ber yıldan artıq däwam ittergän höcümnäre belän Liviyadäge humanitar wazğıyät’ne tağın da tiränäytüe urın ala.

Açıqlawda şulay uq: “Liviyada xunta rejimı qorırğa niyätläwçe bu şäxeskä xalıqara cämäğat’çelekneñ kiçekmiçä cawap qaytaruı kiräk.”

Xafter soñğı waqıtta küzätelgän xärbi yuğaltulardan soñ kiçä kiç yasağan çığışında Berläşkän Millätlär Oyışması ximayasında imzalanğan Suxeyrat kileşüeneñ yaraqsız buluın häm ilneñ başlığı buluın citkergän ide.