“Kovid -19 belӓn çirlӓwçelӓr hӓm annan ülüçelӓr sanı könnӓn kön kimi bara”

 Törkiyӓ ilbaşı Rӓcӓp Tayyip Ӓrdoğan ilbaşı idarӓse kabinetı cıyılışınnan soň belderülӓr yasadı.

Koronavirus belӓn körӓşneň konkret nӓticӓlӓren kürӓ başlawların beldergӓn Ӓrdoğan Kovid -19 belӓn çirlӓwçelӓr hӓm annan ülüçelӓr sanınıň könnӓn kön kimi baruın assızıqladı.

İlbaşı Ӓrdoğan: “Bu barışta berӓwne dӓ qıyın xӓldӓ qaldırmadıq. İň alğa kitkӓn illӓr dӓ çarasız  qalğanda bez duslarıbızğa yӓrdӓm qulı suzdıq. Törkiyӓ 55 ilgӓ kizü belӓn körӓş qısasında yӓrdӓm cibӓrde”,-dide.

Törkiyӓ ilbaşı irtӓgӓ Amerika Quşma Ştatlarına da saqlawçı bitlek hӓm kostyumnar, antiseptik  hӓm başqa mediśina ӓyberlӓre cibӓrӓçӓklӓren belderde.

İlbaşı kizü belӓn körӓş qısasında 31 vilayӓt’tӓ uramğa çığu tıyuınıň atna azaqlarında Ramazan ğayetenӓ qadӓr dӓwam itӓçӓgen citkerde.

Ӓrdoğan: “Uňay torış dӓwam itkӓn oçraqta il külӓmendӓ ğadӓti xӓlgӓ qaytıp tormışnı cayğa salu öçen plannar ӓzerlibez”,-dide.