Gülüşkänneñ Törkiyägä kiterelüe - Şveśiyä matbuğatında

Şveśiyäneñ Malmö şähärendä, koronavirus testı pozitiv çığuına qaramastan, däwalanmıyça öyenä qaytarıp cibärelgän 47 yäş’lek törek Ämrullah Gülüşkänneñ Törkiyä sälamätlek saqlaw ministrlığınıñ aşığıç yärdäm oçqıçı belän watanına alıp qaytıluı matbuğat çaralarında könüzäge buldı.

Şveśiyäneñ ähämiyätle gazetlarınnan berse “Aftonbladet” bu turıdağı xäbärne “Şveśiyädä däwalanmadı, Törkiyägä aşığıç yärdäm oçqıçı belän alıp kittelär” başçası belän birde. Anda älege atanıñ qızları Läylä häm Samira Gülüşkänneñ sośial’ media aşa yärdäm sorawı assızıqlana. Bu çaqıruğa Törkiyä sälamätlek saqlaw ministrı Fäxretdin Kocanıñ Twitter säxifäse aşa “Ätiyeñ öçen xastaxanäbez, tabiblarıbız äzer” dip cawap birüe dä iğ’tibarsız qalmıy.

Şveśiyä däwlät telekanalı STV xäbärendä dä älege ildä däwalanmağan Kovid-19 xastası atanıñ qızlarınıñ sośial’ media aşa yärdäm sorawına ministrnıñ cawap birüe assızıqlana.

“Expressen” gazetı isä “Koronavirus belän awıruçı, däwalamağaç, Törkiyägä oçtı” dip yaza. Anda Kovid-19 xastası ber atanıñ balaları sośial’ mediada çığarğan videonıñ näticäse citkerelä.

SVD gazetı “Törkiyä Strump aêroportınnan awıru aldı” başçası belän xäbär bastıra. Anda 47 yäş’lek Kovid-19 xastası atanıñ qızlarınıñ sośial’ mediada yärdäm sorawlarına Törkiyäneñ cawap birüe belderelä.