Törkiyädä wäzğıyät' qaysı tirädä?

Törkiyädä koronavirus säbäple ülüçelärneñ sanı 2 meñ 376ğa citte. Sälamätlek saqlaw ministrı Fäxretdin Koca fänni şura belän uzdırğan cıyılıştan soñ belderü yasadı. Ul soñğı 24 säğat’tä ildä Kovid-19 arqasında tağın 117 keşeneñ ğomere özelüen äytte. Şul uq waqıt êçendä 37 meñ 535 test yasalğan häm 3 meñ 83 yaña yoqtıru oçrağı terkälgän.  

Ministr soñğı täwlektä terelep xastaxanädän çığuçılarnıñ 1559 buluın, şulay itep kizü başınnan birle koronavirusnı ciñgän awırularnıñ sanınıñ 16 meñ 477gä citüen dä äytte.

Fäxretdin Koca saqlanu çaraları tormışqa aşırılğan sayın yoqtıru oçrağı häm ülemnärneñ kimüen assızıqladı. Anıñ äytüençä, sannar kizüneñ kontrol’ astına alınuın kürsätä.