Milli telӓktӓşlek kampaniyӓsenӓ zur qızıqsınu kürsӓtelӓ

Koronavirus belӓn körӓş qısasında ilbaşı Rӓcӓp Tayyip Ӓrdoğan ӓydӓp baruçanlığında başlatılğan milli telӓktӓşlek kampaniyӓsendӓ bügenge köngӓ qadӓr 1 milliard 689 million 101 meň 146 lira aqça cıyılğan.

 15 nçe aprel’dӓ aňa quşıluçılar sanı 613 meň 115 kӓ citkӓn.

SMS aşa 10 lira belӓn öleş kertü mömkinlege bulğan kampaniyӓgӓ xӓzergӓ waqıtqa qadӓr 585 meň 448 keşe quşılğan hӓm annan 55 million 854 meň 480 lira yӓrdӓm kilgӓn.

Xӓyriyӓ kampaniyӓsenӓ iň zur öleşne 100 million lira belӓn Üzӓk bank kertkӓn.

Şulay uq zur külӓmdӓ aqça cibӓrgӓn oyışmalar tübӓndӓgelӓr:

Ziraat finans törkeme – 62 million 300 meň lira;

Törkiyӓ Halk (Xalıq) bankı – 56 million lira;

Törkiyӓ Waqıflar bankı – 50 million lira;

Törek telekommunikaśiya akśionerlıq cӓmğıyӓte – 40 million lira.