NATO Törkiyägä räxmät äytte
Törkiyä ittifaq'tağı däwlätlärgä mediśina yärdäme cibärde
NATO koronavirus kizüe belän köräş qısalarında Bosniya-Gerśegovinağa mediśina kiräk-yaraqları cibärüe öçen Törkiyägä räxmät äytte. Twitterda yazılğan belderüdä bolay diyelä: “Pandemiya waqıtında NATO berlektäşläre häm urtaqları ber-bersenä teräk bulıp bergä tağın da köçle buluıbıznı kürsätä”.
Monnan tış, NATO Törkiyä milli saqlanu ministrlığınıñ Çernogoriya, Tön’yaq Makedoniya häm Kosovağa cibärgän yärdämnäre belän bäyle yazmalar da urtaqlaştı.
Törkiyä Kovid-19 kizüenä qarşı köräştä yärdäm maqsatınnan Balkan däwlätlärenä xärbi yök oçqıçı belän mediśina kiräk-yaraqları cibärde. İlneñ sälamätlek saqlaw ministrlığı tarafınnan xäzerlängän bitlek, kombinezon häm tiz diagnostika komplektınnan toruçı yärdämnärne tutırğan oçqıç Serbiyä, Bosniya-Gerśegovina, Çernogoriya häm Tön’yaq Makedoniyadan soñ Kosovağa da oçtı.
Bäyläneşle xäbärlär
Ğıyraqtan şähit xäbäre
Ğıyraqnıñ tön’yağındağı “Pänçä-Kilit” operaśiyäse töbägendä ber ğaskäri şähit bulğan