"Töreklär barısınnan da ayırılıp tora"

BMO migrantlar yuğarı komissarlığı delegaśyäse Greśiyä çigendä kötüce sıyınuçılar yanına bardı. Oyışmanıñ Törkiyä wäkile yärdämçese Jan Mari Garelli soñınnan Ädirnä töbäge viśe-gubernatorı Yusuf Gülär belän oçraştı.

Gülär söyläşüdä törek xalqınıñ märxämätle häm qunaqçıllığınıñ sıyınuçılar urnaşqan mäydanda da kürenüen citkerde. Ul xatın-qız häm balalardan başlap andağı barlıq migrantlarnıñ şäxsi ixtiyaclarına cawap birelüen, aşaw-êçü kiterelüen, mediśina yärdäme kürsätelüen äytte.

“Sıyınuçılarnı bombalar belän tügel, yöräklärebezne açıp qarşılıybız. Alarğa yärdäm itärgä tırışabız,”-di Gülär.

Garelli dä Törkiyäneñ här cirlektäge sıyınuçılarğa qarata tırışlıqların räxmät belän küztülären belderde. Ul üzeneñ migrantlar qabul itüçe bik küp ildä êşläwen, ämma töreklärneñ barısınnan da ayırılıp toruın häm maqtawğa layıq buluların söyläde.

“Migrant häm sıyınuçılarnıñ bik yaxşı qarşılanuın, bik äybät yärdäm kürsätelüen Törkiyädä kürdem. Sez böten dön’yağa bu nisbättän ürnäk model’,”-dide BMO wäkile.