Djeffrinıñ teläktäşlege

Amerika Törkiyägä suğış kiräk-yaraqları belän yärdäm itärgä äzer. Bu xaqta AQŞnıñ Süriyä maxsus wäkile Djeyms Djeffri belderde. Ul häm Amerikanıñ Änkaradağı ilçese Dêvid Satterfild Törkiyäneñ çik buyı töbäge Xatayda Äsäd rejimı höcümnärennän qaçıp kilüçelär yäşäwçe lager’da tikşerülär ütkärde. Şul uq waqıtta, jurnalistlarnıñ sorawlarına da cawap birdelär.

Djeffri NATO êçendä Törkiyägä nindi yärdäm kürsätelä aluı turındağı sorawğa bolay dide: “Törkiyä - NATO äğ’zası häm armiyäsendä kübesençä bezneñ cihazlarnı qullana. İxtiyacları bulğanda, älege texnikalarnıñ xäzer buluın sorıybız”.

Djeffri Törkiyä belän küzläw oyışmalarınıñ mäğ’lümatların urtaqlaşuların häm diplomatik yaqtan da yärdäm itülären söyläde. Ul Süriyä rejimınıñ İdlibtäge höcümnären “şäytanlıq” dip bäyäläde. “Rejim İdlibtän millionnarça keşene yıraqlaştıru maqsatı belän äxlaqsız säyäsät alıp bara,”-dide Djeffri. Ul Äsädneñ İdlibtäge xalıq strukturasın üzgärtergä mataşuın belderä häm höcümnärneñ härwaqıttağıdan da xätär buluın äytä.