"Ber yaqlı fidaqarlıq bette"

Törkiyä ilbaşı Räcäp Tayyip Ärdoğan Ӓnkarada Aq partiya cıyılışında çığış yasadı.

Ӓrdoğan Süriyӓdӓ Beşar Ӓsӓd rejimı höcümnӓrennӓn qaçuçı millionnarça qaçaq yögen Törkiyӓneň genӓ kütӓrmӓyӓçӓgen ӓytte.

Rejim höcümnӓrenӓ kirӓkle cawapnı birülӓren assızıqlağan ilbaşı xӓzergӓ qadӓr rejim kiçergӓn yuğaltularnıň barı tik başlangıç buluın belderde.

“Törkiyӓ bilgelӓgӓn çiklӓrne uzsalar, başların da yuğaltırlar. Ğaskӓrilӓrebezgӓ yanawçılarnı yuqqa çığarı bezneň wazıyfabız,” – dide ul.

Ӓrdoğan Rusiyӓ hӓm İranğa da mörӓcӓğat’ itep: “Süriyӓdӓ sezneň belӓn problemabız yuq,” – dide.

Törkiyӓ ilbaşı tübӓndӓgeçӓ dӓwam itte: “Bez Süriyӓdӓn qaçıp kilgӓn millionnarça keşe sӓbӓpçe bulğan humanitar krizisnı çişü hӓm cirlӓrebezneň iminlegen saqlaw öçen tırışabız. Törkiyӓ qaçaqlar öçen kürsӓtkӓn ber yaqlı fidaqarlıq bette. Awrupağa yul totuçılar sanı 100 meňgӓ citte. Bu san ozaqlamıy millionğa citӓçӓk. Bu keşelӓr tuğan yaqlarında kön kürӓçӓk yӓisӓ hӓrkem bu yöktӓn üz öleşen alaçaq. Xalıqara dӓrӓcӓdӓ tınıçlıq, xozur, iminlekne urnaştıru öçen qorılğan oyışmalar da cıyılış ütkӓrü, belderge açıqlaw, ğayeplӓwdӓn tış bernindi êşkӓ yaramıy.”