"Bezne Süriyä xalqı çaqırdı"

Törkiyä ilbaşı Räcäp Tayyip Ärdoğan İstanbulda Xalıq ışanıçlıları oçraşuında çığış yasadı.

“Süriyӓdӓ imin töbӓk belӓn çiklӓrebezne garantiya astına alırğa telibez. Bezneñ neft’ yӓisӓ cirdӓ küzebez yuq. Bezne Süriyӓgӓ Ӓsӓd çaqırmadı, Süriyӓ xalqı çaqırdı. Ul cirlӓrdӓn çığuıbızğa da Süriyӓ xalqı qarar birӓçӓk,” – dide ul.

Ӓrdoğan çığışında İdlib xӓrӓkӓtendӓ şӓhit buluçılar sanınıñ 36ğa citüen da belderde.

Törkiyӓ ilbaşı bolay dip dӓwam itte: “Şӓhitlӓrebez öçen cawap birӓçӓklӓr. Xӓzergӓ qadӓr 2100dӓn artıq rejim keşese üterelde, 300 tirӓse transport çarası yuqqa çığarıldı. Kiçӓ kiç 7 depo şartlatıldı. Töp maqsat monda Süriyӓ tügel, Törkiyӓ. Süriyӓdӓ telӓgӓnenӓ ireşüçelӓr Törkiyӓgӓ yünӓlӓ. Bügenge köndӓ Süriyӓne öçkӓ bülüçelӓrneñ Törkiyӓneñ bötenlegenӓ xörmӓt kürsӓtӓçӓgen uylaw axmaqlıq. Bezgӓ nindi süz birgӓnnӓr ide? YPG, PYD terror oyışmaların bu töbӓklӓrdӓn çığarırğa süz birdelӓr. Rusiyӓ dӓ, AQŞ ta süzendӓ tormadı. Terror oyışmalarına meñnӓrçӓ yök maşinası tulı qoral, transport çarası hӓm xӓrbi kirӓk-yaraq yӓrdӓmen kürsӓtӓlӓr, berkem dӓ Törkiyӓgӓ yӓrdӓm itmi. Qaçaqlar mӓs’ӓlӓsendӓ dӓ şundıy xӓl. Xörmӓtle Putinğa da ӓyttem: “Seznen anda ni êşeğez bar? Baza qorasız ikӓn qorığız, lӓkin bezneñ alda kirtӓ bulmağız,” – didem.

Ӓrdoğan ayıruça Törkiyӓneñ çik buyı qapqaların monnan soñğı barışta da yapmayacağın belderep: “Bolay barsa, aylar êlek qapqalarnı açarğa mӓcbür qalırbız digӓn idek. Tınıçsız bulğannar ide. Işanmadılar bezgӓ. Bez dӓ qapqalarnı açtıq. 18 meñ qaçaq çiktӓn uzdı. Bügen bu san 25-30 meñgӓ citӓ ala. Monnan soñ qapqalar açıq toraçaq. Törkiyӓdӓ bolay da 3 million 700 meñ qaçaq bar. Tağın ber qaçaqlar ağımın kütӓrӓ almabız. Hӓrkemneñ kilӓçӓge Süriyӓdӓge körӓşkӓ bӓyle, monı hӓrkem kürep, qabul itӓrgӓ tiyeş. Rejimğa da, alarnı xuplawçılarğa da tӓwӓkkӓll buluıbıznı kürsӓtӓçӓkbez,” – dide.