“Berdänber telägebez – süriyälelärneñ üz cirlärendä tınıçlıqta yäşäwe”

 Törkiyä ilbaşı Räcäp Tayyip Ärdoğan berdänber teläkläreneñ süriyälelärneñ üz cirlärendä tınıç şartlarda yäşäwe buluın belderde.

İlbaşı bu xaqta “Ğadälät häm qalqınu” partiyäseneñ Törkiyä Böyek Millät Mäclesendäge törkem cıyılışında yasağan çığışında citkerde.

Ärdoğan Süriyäneñ İdlib töbägendäge täräqqiäyt’lärgä bäyä birep biredäge humanitar krizisnı totqarlaw öçen zur tırışlıq quyuların assızıqladı.

İlbaşı:” Xäzerge waqıttağı iñ zur problema - hawa kiñlegen qullana almaw. Yaqında monı da xäl itärbez dip uylıym”,-dide.

Törkiyä ilbaşı Ärdoğan: “Bezneñ taläbebez – rejimnıñ höcümnären tuqtatıp, küzätü punktlarınıñ ar’yağına çigenüe. Rusiya humanitar problemanı qabul itärgä telämi. Küzätü manaralarıbıznı qamap aluçılarğa birelgän waqıt fevral’ azağında betä”,-dide.

 Ul İdlibtä kiregä adım yasalmayaçağın belderep ,”Rejimnı bilgelängän çiklärdän çitkä çığarıp ,xalıqnıñ öylärenä kire qaytuın täêmin itäçäkbez. Bezgä Süriyäneñ cirläre dä, nefte dä kiräkmi. Berdänber telägebez – süriyälelärneñ üz cirlärendä tınıçlıqta yäşäwe”dide.