"Rusiyädän wäkillek kilä"

Törkiyä ilbaşı Räcäp Tayyip Ärdoğan Azärbaycanğa kitkänçe Änkaradağı Esenboğa aêroportında jurnalistlarğa açıqlaw yasadı.

Ärdoğan rus wäkillegeneñ irtägä İdlib söyläşüläre öçen Törkiyägä kiläçägen äytte.

Törkiyä-Rusiyä arasında İdlib häm Liviya mäs’äläsendä barışnıñ küzätelüen assızıqlağan ilbaşı: “Berençe itep İdlib problemasın çişärgä kiräk. Monı Rusiyä däwlät başlığı Vladimir Putin belän iñ yuğarı däräcädä qarıym, şulay uq ministrlarıbız häm küzläw söyläşüläre dä uzdı. Liviya mäs’äläsendä dä söyläşülär ütkärdek. Liviyada Xafter dip ataluçı legal’ bulmağan şäxes bar. Abu Dabi citäkçelege anın yanında. Qızğanıç Rusiyäneñ dä anda Wagner iminlek törkeme bar. 2500 keşelek köç. Finanslawçısı – Abu Dabi citäkçelege. Törkiyä bularaq Rusiyä belän bolarğa tuqtalabız. Xörmätle Putin belän küreşep, yul kartabızdağı citeşsezleklärne qarıybız. ”

Rusiyäneñ Süriyädä rejim köçlären xuplawın äytkän Ärdoğan bolay dip citkerde: “Monıñ dälilläre qulıbızda, kire qağa almıylar.”