"Süriyäneñ İdlib töbäge belän bäyle yul kartası äzerlädek"

 Törkiyä ilbaşı Räcäp Tayyip Ärdoğan Süriyäneñ İdlib töbäge belän bäyle yul kartası äzerläwlären belderde.

 Ul bu xaqta İzmirdä  Menemen-Aliağa-Çandarlı avtoyulın açu tantanasında yasağan çığışında citkede.

Ärdoğan kiça Rusiya Federaśiyäse däwlät başlığı Vladimir Putin, Franśiya ilbaşı Êmmanuel’ Makron häm Germaniya kanślerı Angela Nerkel belän telefonnan söyläşüen belderep, ”Söyläşülärdän soñ wäzğiyät’ne bäyaläp yul kartası äzerlädek. Global’ köçlärneñ sśenariylarına birelmibez. Tağın da nıqlı häm qatğıy adımnar yasayaçabız”dide.

 İlbaşı Törkiyäneñ Süriyä häm Liviya säyäsätlärendä macara êzlämäwen belderep:” Kiräk bulsa üzbez genä dä tiyeşle adımnar yasap ilebezne maqsatlarına ireşteräçäkbez. Bu köräşlärdä säyäsi diplomatik häm xärbi köçebezne iñ yuğarı däräcädä qullanabız. Qarşıbızdağı problemalar aldında kiregä adım yasamıyça barlıq êşçänleklärne däwam itterep maqsatıbızğa ireşerbez dip ışanam”,-dide.