Germaniyädäge waqıyğada 5 törek üterelde

Germaniyäneñ Xanau şähärendä bulğan qorallı höcümdä ülüçelärneñ 5seneñ törek buluı açıqlandı. Bu xaqta Törkiyäneñ Berlindağı ilçese Ali Käman Aydın belderde. Waqıyğada barlığı 9 keşe üterelde.

Germaniyä federal’ prokuraturası kiçä kiçke säğat’ 10narda başlanğan häm ike ayırım kafedağı höcümnärneñ rasaçıl nigeze buluın äytkän ide. Êçke êşlär ministrlığı waqıyğanıñ säbäben ksenofobiyä bularaq belderde häm terrorçılıq höcüme dip atadı.  

Höcümçelärneñ 2 keşe buluın belderdelär. Berse öyenä poliśiyä tarafınnan oyıştırılğan basqında başta änisen, annarı üz-üzen üterde. “Bild” gazetı anıñ isemeneñ Tobias R. buluın yazdı. Terrorçınıñ öyendä waqıyğa öçen cawaplılıqnı üz östenä aluı turındağı xat häm video tabıla.