Ärdoğan Paqıstanğa kitte

Törkiyä ilbaşı Räcäp Tayyip Ärdoğan Törkiyӓ-Paqıstan Yuğarı dӓrӓcӓle strategik xezmӓttӓşlek şurasınıñ 6nçı cıyılışı uñayınnan bügen Paqıstanğa rӓsmi sӓfӓr yasayaçaq.

Ӓrdoğan maxsus oçqıç belӓn Paqıstan başqalasına yul tottı.

İlbaşı belӓn xӓlӓl cefete Ӓminӓ Ӓrdoğan, Tışqı êşlӓr ministrı Mӓwlüt Çavuşoğlu, Ênergetika hӓm tabiği çığanaqlar ministrı Fatix Dönmez, Qazna hӓm finans ministrı Berat Albayrak, Sӓwdӓ ministrı Ruxsar Pekcan, Transport hӓm asqorıma ministrı Mӓxmӓr Caxit Turhan, êlemtӓ başlığı Faxrettin Altun hӓm İlbaşı süzçese İbrahim Qalın da İslamabadqa kitte.

İlbaşı idarӓseneñ êlemtӓ rӓislegennӓn yasalğan açıqlawğa kürӓ dӓwlӓt başlığı Ӓrdoğan belӓn Paqıstan prem’yer-ministrı İmran Kxan rӓislegendӓ, bӓylӓneşle ministrlar qatnaşında başqala İslamabadta uzaçaq Şura cıyılışında Törkiyӓ belӓn Paqıstan arasındağı ike yaqlı mönӓsӓbӓtlӓr bar yaqlap küzdӓn kiçerelӓçӓk, xezmӓttӓşlekneñ üsterelüe öçen yasala alınaçaq adımnar qaralaçaq.

Cıyılış qısalarında Paqıstan Êş forumınıñ da oyıştırılaçağı belderelde.

Törkiyӓ ilbaşı Paqıstan dӓwlӓt başlığı Arif Alvi belӓn dӓ küreşӓçӓk.

Söylӓşülӓrdӓ ike yaqlı mönӓsӓbӓtlӓr belӓn bergӓ regional’ hӓm xalıqara tӓraqqıyӓt’lӓr xaqında fiker alışu küzdӓ totıla.

Ӓrdoğan ike kön baraçaq rӓsmi söylӓşülӓr qısalarında Paqıstan Milli Mӓclese hӓm Senatınıñ urtaq utırışında da çığış yasayaçaq.