"Bayrağıbıznı yırtuçı - äxlaqsız"

İlbaşı Räcäp Tayyip Ärdoğan Greśiyä deputatınıñ Törkiyä bayrağın yırtuın äxlaqsızlıq dip atadı. Bügen mäclestä törkem cıyılışında çığış yasağanda ul uzğan atnada bulğan waqıyğalarğa qabat äylänep qayttı. Ärdoğan Awrupa Parlamentında Törkiyä bayrağın yırtqan İoannis Lagosnıñ ğamälen Greśiyä isemennän yasalğan dip sanamawın äytte.

“Anıñ şäxeseneñ äxlaqsızlığın kürdem. Bezneñ bayrağıbıznıñ töse - şähitlärebezneñ qanı. Ul isä anıñ qansızlığın kürsätüçe ğamäl. Bez näticäne bu tör ädäpsezlek, äxlaqsızlıqlar belän êzläwçelär tügel. Qaysı da bulsa däwlätneñ, millätneñ säyäsätçe bularaq bayrağın yırtmıybız,”-dip söyläde Ärdoğan.