“Bügenge köngä qadär ildä koronavirus diagnozı quyılğan keşe yuq”

 Qıtaynıñ Uxan’ qalasında yäşäwçe Törkiyä watandaşların koronavirus kizüe säbäbe belän Törkiyägä alıp qaytalar.

Töreq Qorallı Köçläreneñ zur yök oçqısı alarnı alıp yulğa çıqtı.

Azärbaycan, Gruziya,Albaniya watandaşları da bulğan kübese törek 42 keşe mediśina xezmätkärläre kontrolendä oçqıçqa utırtıldı.

Törkiyä sälämätlek saqlaw minstrı Fahrettin Koca oçqıç yulğa çığar aldınnan yasağan belderüendä oçqıçqa alınğan 42 yulçıdan bersendä dä virus simptomnarı kürelmäweın citkerde.

Älege keşelär Törkiyägä qaytıp citkännän soñ saqlıq çaraları qısasında 14 kön küzätü astında totılaçaq.

Sälamätlek saqlaw ministrı Fahrettin Koca başqala Änkaradağı matbuğat oçraşuında bügenge köngä qadär ildä koronavirus diagnozı quyılğan keşe bulmawın belderde.

Ministr Qıtaydan kilgän barlıq yulçılarnıñ kontrol’ aşa uzuın , xäzerge waqıtqa qadär 13 meñ yulçınıñ tikşerelüen häm şikle yulçı bulmawın assızıqladı.

Fahrettin Koca Törek hawa yullarınıñ Qıtayğa oçışların tuqtatuın da äytep uzdı.

Sälamätlek saqlaw ministrı xäzerge waqıtta 26 ildä tuplam 11 meñ 791 virus oçrağı terkälüen citkerde.