Qalın-Djeffri oçraşuı
Söyläşüdä Süriyä belän bäyle soñğı täräqqiyät’lär, İran häm AQŞ arasındağı krizis häm töbäktäge başqa möhim waqıyğalar turında süz bardı
Törkiyä ilbaşı idaräse süzçese İbrahim Qalın Amerika Quşma Ştatlarınıñ Süriyä maxsus wäkile Djeyms Djeffri belän küreşep söyläşte.
Oçraşu İstanbulda ilbaşı idaräseneñ Dolmabahçädäge ofisında uzdı.
Matbuğatqa yabıq uzğan oçraşu 1 säğät’ 25 minut däwam itte.
Söyläşüdä Süriyä belän bäyle soñğı täräqqiyät’lär, İran häm AQŞ arasındağı krizis häm töbäktäge başqa möhim waqıyğalar turında süz bardı.
Süriyälelärneñ imin şartlarda häm üzixtiyari räweştä öylärenä kire qaytuı öçen Amerika Quşma Ştatları belän 2019 nçı yılnıñ 17 nçe oktyabrendä tözelgän kileşü qısasında imin töbäk buldırunı tögälläw kiräklege assızıqlandı.
İdlibtäge bäreleşlärneñ artuı näticäsendä barlıqqa kilgän humanitar krizis häm küçenü ağımın totqarlaw öçen diplomatik kereşülärne arttıru kiräklege citkerelde.
Oçraşuda şulay uq Törkiyäneñ “DEAŞ” häm “PYD/YPG/PKK” berençe çiratta bulu belän bergä terror oyşmalarına qarşı köräştä qatğıylığına da basım yasaldı.
Bäyläneşle xäbärlär
Terrorçılıqqa qarşı köräş alıp barıla
Törkiyädä terrorçılıqqa qarşı köräş täwäkkällek belän däwam itä