Diyarbakır ğailäse balası belän qawıştı

PKK terrorçı oyışması tarafınnan urlanğan balalarınıñ kire qaytarıluın taläp itep Törkiyäneñ Diyarbakır şähärendä Xalıqlarnıñ demokratik partiyäse binası qarşında utıruçı analarnıñ berse Xüsniyä Kayanıñ qızı Mäkiyä öyenä kire qayttı. Ul Ğıyraqta PKKdan qaçıp iminlek köçlärenä birelgän.

Xösäyen belän Xösniyä Kayanıñ qızın 5 yıl êlek urlağannar. Ul waqıtta Mäkliyä 14 yäşendä genä bula. Anı PKK oyışması urlap Süriyägä alıp kitä. Ğailä qızların terrorçılar qulınnan kire alu öçen 8nçe sentyabr’dä utıru çarasına quşıla.

Äni keşe 99 kön XDP binası qarşınnan kitmi. Qızı 21nçe dekabr’dä terrorçı oyışmadan qaçıp Ärbil şähärendä Ğıyraq kört regional’ idaräse iminlek köçläre qulına birelä. Anda ütkärelgän söyläşülärdän soñ Mäkliyäne Törkiyägä kiterälär. Qızları belän oçraşaçaqların Kaya ğailäsenä tışqı êşlär ministrı Söläyman Soylu şaltıratıp xäbär itä.