"Törkiyӓ çikläwgä cawap qaytaraçaq"

Törkiyӓ ilbaşı Rӓcӓp Tayyip Ӓrdoğan Amerika Quşma Ştatlarınıň Törkiyӓgӓ qarata çiklӓw qullanğan oçraqta Törkiyӓneň cawap qaytaraçağın ӓytte.

Ӓrdoğan Malayziya başqalası Kuala Lumpurdağı söylӓşülӓrennӓn soň jurnalistlarnıň sorawlarına cawap birde, kön tӓrtibe belӓn bӓyle açıqlawlar yasadı.

Rusiyӓdӓn alınğan S-400 hawa saqlanu sistemaları hӓm Törkiyӓ dӓ proyekt partnyerı bulğan F-35 xӓrbi oçqıçları belӓn bӓyle AQŞ tarafınnan kertelgӓn çiklӓw açıqlawlarına tuqtalğan ilbaşı: “Bez bu êşne beterdek. Monı niçӓ tapqır ӓytergӓ bula. Xӓzer oyalmıyça Törek Ağımı belӓn bӓyle bularaq “Moňa çiklӓw kertӓbez” dilӓr. Bu xoquqlarıbızğa qatışu dimӓk. Bolarğa qarşı hiçşiksez bezneň dӓ çikӓwlӓrebez bulaçaq. Bez qabilӓ dӓwlӓte tügel. Bu – Törkiyӓ. Tarixı belӓn, hӓrnӓrsӓse belӓn ayırmalığıbız bar,” – dide