Ärdoğan: “Kiläçäktäge fäläkätneň orlıqların çäçälär”

İlbaşı Ärdoğan qatnaşqan ber tapşıruda uzğan atnada AQŞ Senatınıň 1915nçe yılğı waqiğaların (waqıyğaların) güyä “denośid” dip tanuçı ölgene qabul itüenä reakśiya kürsätep: "Sez qabul itkän qararlarnıň bernindi qimmäte yuq. Çönki bu qararlarığız tulısınça säyäsi”, - dip äytte.

Törkiyäneň kiräk bulğan çaqta sankśiya qullana alaçağın da assızıqlawçı Ärdoğan: “Amerika Quşma Ştatlarınıň mönäsäbätlärebezdä tözätelüe mömkin bulmağan adımnarnı yasamawı här ike taraf öçen dä bik möhim. Waqıtı citkän çaqta utırırbız, böten wäkillärebez belän bergä, yabıluı kiräk bulsa (Adanadağı) İncirlik amerikan bazasın da yabarbız, (Malatiyadağı) NATO saqlanu radar bazası Küräcikne dä yabarbız. Bolar mondıy äyberlärne yasıylar da, bez täk kenä tormıybız inde. Törkiyä qabilä ile tügel. Bik anıq itep äytäm. Amerikada indeyeślar belän bäyle bularaq monı äytmäw, söyläşmäw mömkinme? İndeyeślarnıň tarixı Amerikanıň risvaylığı”, - dip äytte.

Süriyä krizisında isä Törkiyä qayğısınıň neft’ tügel, süriyälelärneň xozurınıň täêmin iteläçäge buluın assızıqlawçı İlbaşı “PKK” separatist terror oyışması belän Süriyädäge törkeme “YPG” êlementlarınıň “körd” dip telgä alınuınıň kördlärgä ixtiramsızlıq buluın da belderde.

"Bez “PKK” belän köräşneň “DEAŞ” belän bulğanı kebek qatği häm urtaq räweştä başqarıluı zarurlığın uylıybız”, - dip äytüçe Ärdoğan: "Bügen terror oyışmaları arasında ayırımlılıq yasawçılar kiläçäktäge fäläkätlärneň orlıqların çäçä”, - dip kisätte.