“Siriza” terrorçılarnıñ sıyınu uınına äwerelde”

Törkiyä ilbaşı Räcäp Tayyip Ärdoğan Londonda NATO sammitında qatnaşqannan soñ media wäkilläre belän oçraştı.

Ul sıyınuçılar mäs’äläsendä Awrupa Berlegeneñ üzlären yalğız qaldıruın , yärdäm itärgä süz birep tä süzlärendä tormawların Awrupa Berlege illäre liderlarına citkerüen belderde.

Ärdoğan:”Bu mäs’äläne Greśiya premyer-ministrı Kiriakos Mikotakis belän dä söyläştek. Greśiya – Awrupa Berlege äğ’zası. Problema belän bäyle tırışlıq kürsät häm Awrupa berlege illärenä basım yasa dip anıñ belän älege mäs’älä östendä êşlädek”,-dide.

Ärdoğan Greśiya prem’yer-ministrı belän söyläşüdä terrorğa qarşı köräştä älege ildän yaqlaw kötülären dä citkerde.

Törkiyä ilbaşı :” Mikotakis belän oçraşuda aña “DHKP-C”, “PKK/YPG”,”Fätullahçı terror oyışması” äğ’zaları daimi räweştä sezgä kilä .Küzläw oyışması mäğ’lümatlarına kürä , “Siriza” partiyäse  - bolarnıñ sıyınu urını. Bolarğa qarşı bez sezne kiräkle totış kürsäterga çaqırabız häm sezdän yärdäm kötäbez. Bu yärdäm bezneñ dä sezgä yärdämebezne arttıraçaq”dip äyttem dide.

Törkiyäneñ Liviya belän tözegän kileşüneñ NATO sammitında kön tärtibenä kilep kilmäwe turındağı sorawğa ilbaşı tübändägeçä cawap birde: “Bez kleşügä qul quydıq. Ämma bu qarşı yaqnı tınıçsız itte. Xaqları bulmağan äyberlärne üz xaqları itep kürergä öyränüçelär mondıy wäzğiyät’tä nişlärgä belmi. Greśiya, Misır, Kipr grek citäkçelege ,İzrail tınıçsız buldılar häm Awrupa Berlegen dä qotırtalar”,-dide.